Sandmyr

Ekstra Start mot Bryne

Start verka til å ha full kontroll fram til det 90. minutt, så kom Bryne... Reaksjonar frå SørArena. Med Holtan, Halvorsen, Tjelmeland og vår mann.

Brynepoddene EP61

Even Sel med analysen. Og Bjarne Undheim om eit langt liv i Bryne FK, og tilbakevendinga til feltet. 

Brynepoddene ekstrasending om EIK

I årevis har kysten mellom Jæren og Kristiansand vore eit litt aude land i fotballsamanheng. Som dei gråe anortositt-knausane har det vore eit landskap for vidarekomne, litt skjult for allmugen. Fotball for lokalpatriotar med von om at det i år er vår tur.

Men i år kan det godt vere at Egersunds IK, ein av dei eldste klubbane i fylket tar steget opp i det selskapet som er dei to øvste divisjonane. Utfallet av sesongen i år er ikkje gjeve, sjølvsagt, men likevel har me høyrt snakk i gangane om at optimismen rår i den gamle fiske- og fajansebyen som er litt Sørlandet ei kort togreise unna Nord-Jæren. Me tok turen til Egersund for å lodde stemninga. Høyre frå ulike aktørar i og rundt klubben, og freiste svara på det store spørsmålet: Er EIK no klar for 1. divisjon?

Skulle dei lukkast vil dei som fyrste lag sidan Mandalskammeratane klare å drive ei kile inn dei grå fjella, og sette byen på eit jevare fotballkart. Dei vil syne at gult og svart er ein farge som ikkje kristiansandarane har monopol på i smuga mellom kvitmåla trehus langs kysten i sør. For å finne svar på spørsmåla våre snakka me med: Sponsor og tidlegare ordførar Jan Petter Rasmussen, spelarane Henrik Breimyr og Alexander Dang, trenar Ojan Bijan og dagleg leiar Kenneth Andersen.

På sundag startar dei alle jakta på nivå 2 i norsk fotball, og ein plass i historiebøkene.

Brynepoddene EP60

Pål Arne Johansen er trenar for G-19 landslaget, og snakkar i podcasten om dei beste unge, kva mål ein har for landslaga, og den kampen kor han såg at Erling Haaland kunne verte noko eksepsjonelt. Even Sel med analysen, og Einar Tunheim Lye snakkar om livet i collegefotballen i USA. 

Ekstra Jerv-Bryne

Reaksjonar etter kampen i Grimstad frå Meinhard Olsen, Arne Sandstø og Jan Halvor Halvorsen. 

Brynepoddene EP59

Even Sel med oppdatering føre kampen mot Jerv. Knut Eriksen er tilbake i Klepp som sportseleg leiar. Stoda i toppklubben på damesida og kvifor det er vanskelegare å halde på talenta. Arne Sanstø om stoda i Jerv og korleis Jan Halvor Halvorsen kom på glattisen i Berlin. 

Brynepoddene Ep58

Egil Østenstad var ein av dei mest markante fotballspelarane i fylket. Dei siste åra har han mellom anna vore aktiv som trenar rundt damelaget til Viking. Me tok ein prat om damefotball, karriera og om å hoppe ut på djupt vatn i administrasjonen i Viking den gong. Even Sel med analye, og Meinhard Olsen live frå landslagssamlinga til Færøyene.

Brynepoddene EP57

Kjetil Rekdal er ein av dei mest markante skikkelsane i moderne norsk fotball. Me fekk ein fascinerande time med han om alt frå siloslått i Rekdal til korleis han har fått sving på HamKam. Even Sel med analysen, og Geir Pollestad med status på jakta etter dagleg leiar.